Bókhaldara til bókhaldsdeildina á P/F Januar

P/F Januar sóknast eftir dugnaligum og ágrýtnum bókhaldara frá 12. januar 2026 ella skjótast gjørligt.

Vælkomin á Januar

Januar er eitt grannskoðanar- og ráðgevingarvirki, sum veitir grannskoðan og virkistænastur til fyritøkur og almennar myndugleikar í øllum støddum. Á Januar raðfesta vit ikki einans fakligan kunnleika, men vit leggja stóran dent á samanhald, eina sterka virkismentan og persónligar førleikar, sum hava avgerandi týdning fyri eitt gott og varandi kundasamband.

Tín leiklutur sum bókhaldari á Januar

Talan er um eitt fjølbroytt og áhugavert starv í P/F Januar við møguleikum fyri fakligari og persónligari menning, har tú kemur at bókað fyri kundar okkara, samstundis sum tú ert partur einum bókhaldstoymi á Januar. Sum bókhaldari á Januar, arbeiðir tú tætt saman við dugnaligum starvsfeløgum, sum stuðla og vegleiða.

Starvið fevnir um:

• Bókhald fyri ymiskar fyritøkur
• Fyrifallandi skrivstovuarbeiði

Hvørjum leita vit eftir?

• Tú ert álitisvekjandi og hevur lætt at samskifta við viðskiftafólk og starvsfelagar.
• Tú hevur royndir innan bókhald
• Skrivstovuútbúgving ella aðra viðkomandi útbúgving
• Góðan málførleika
• Góðan telduførleika á brúkarastigi
• Hug og evni til at arbeiða sjálvstøðugt og at taka ábyrgd

Vit bjóða

Eitt fjølbroytt og spennandi starv í eini spennandi fyritøku við nógvum skiftandi uppgávum og samskifti bæði innanhýsis og úteftir, har tú ert við til at mynda P/F Januar. Góðir møguleikar eru fyri at menna teg persónliga og fakliga við spennandi uppgávum.

Umsókn og setanarviðurskifti

Løn og setanartreytir verða sambært avtalu, grundað á útbúgving og førleikar.

Umsókn: Umsókn saman við lívsrensl, prógvi og próvtølum frá tínari útbúgving kann sendast í telduposti á januar@januar.fo innan 14. desember 2025.

Starvsbyrjan: 12. januar 2026 ella eftir nærri avtalu.

Spurningar: Hevur tú spurningar um starvið, ert tú vælkomin til at seta teg í samband við Christinu á Bøgarði á tlf. 551721 ella cab@januar.fo.

‍

Allir fyrispurningar og umsóknir verða viðgjørd í trúnaði.

‍