Royndur bókhaldari søkist vegna kunda

Vegna ein av kundum okkara – eina miðalstóra fyritøku í Tórshavn - søkja vit eftir einum royndum bókhaldara at byrja skjótast gjørligt.

‍

Um starvið

Arbeiðsstaðurin er á skrivstovu felagsins í Tórshavn. Uppgávurnar hjá bókhaldaranum eru m.a.:

• Dagliga bókhaldið hjá fyritøkuni, herundir
  • Bankaavstemmingar
  • Skuldararøkt
  • Ognararøkt - herundir at fyrireika gjaldingar
• Avgreiða lønarflytingar
• Fyrifallandi skrivstovuarbeiði

‍

Vit vænta, at tú hevur

• Hug og evni til at arbeiða sjálvstøðugt og at taka ábyrgd
• Góð samstarvsevni
• Hollar royndir innan bókhaldsarbeiði, herundir royndir við at arbeiða við saksstýring og deildarroknskapi
• Royndir við Business Central er ein fyrimunur men ikki eitt krav
• Neyðugar telduførleikar á høgum brúkarastøði

‍

Bjóðað verður

Eitt fjølbroytt og spennandi starv í eini spennandi fyritøku. Góðir møguleikar eru fyri at menna teg persónliga og fakliga við spennandi uppgávum. Løn og setanartreytir verða sambært avtalu, grundað á útbúgving og royndir. Starvið verður sett skjótast gjørligt.

‍

Umsókn

Umsóknir saman við prógvum og møguligum viðmælum skulu sendast til januar@januar.fo innan 7. mai 2024. Vinarliga viðmerk ”Umsókn bókhaldari”. Allar umsóknir verða viðgjørdar í trúnaði.

‍

Spurningar

Nærri upplýsingar um starvið fáast við at venda sær til Hans Laksá á tlf. +298 551738 ella við at senda teldupost til hl@januar.fo.

‍

‍