Roknskapargreining av 20 teimum størstu í 2017 (4. partur - greining av eginogn og starvsfólkatali)

JANUAR hevur gjørt eina roknskapargreining av 20 teimum størstu virkjunum í 2017.
4. partur: Greining av eginogn og starvsfólkatalið.

 

Tað sæst, at eginognin hjá 20 teimum størstu feløgunum í Føroyum er økt við 5 mia. kr. seinastu 5 árini. Í 2016 og 2017 er eginognin økt hjá 19 av teimum 20 fyritøkunum.

Talið á ársverkum hjá hesum 20 fyritøkunum er økt úr umleið 3.400 upp í góð 4.000 starvsfólk seinastu 5 árini. Eisini sæst, at nettosøla fyri hvørt starvsfólk í meðal liggur um 3 mió. kr.

 

Heinta skjal her

Roknskapargreining av 20 teimum størstu í 2017 (3. partur - greining av íløgum og skuld)

JANUAR hevur gjørt eina roknskapargreining av 20 teimum størstu virkjunum í 2017.
3. partur: Greining av íløgum og skuld.

 

Henda greiningin er um íløgur og skuld. Her sæst m.a., at í árunum 2015 og 2016 øktust íløgurnar hjá føroysku feløgunum, men lækkaðu aftur í 2017. Tað er nøkulunda sama gongd, sum í Noregi, Svøríki, Týsklandi og Onglandi, meðan íløgurnar hjá donsku feløgunum øktist í 2017.

Nettoskuldin hjá føroysku feløgunum fylgir gongdini í íløgunum.

 

 

Heinta skjal her

Roknskapargreining av 20 teimum størstu í 2017 (2. partur - greining av ársúrsliti - EBIT)

JANUAR hevur gjørt eina roknskapargreining av 20 teimum størstu virkjunum í 2017.

2. partur: Greining av ársúrsliti - EBIT

 
Rakstaríkast
Samlaða rakstraríkastið hevur verið hampuliga støðugt hesi seinastu 5 árini, tó við undantaki av 2016, ið hevur verið eitt serstakliga gott ár hjá feløgunum. Av umsetninginum hjá feløgunum, hevur ársúrslitið ligið støðugt um 11,8% - 13,5%, tó við undantaki av 2016.

 

Heinta skjal her

Roknskapargreining av 20 teimum størstu í 2017 (1. partur - Greining av umsetningi)

JANUAR hevur gjørt eina roknskapargreining av 20 teimum størstu virkjunum í 2017.

1. partur: Greining av umsetningi

Um greiningina
Hetta er 1. partur av greiningini av teimum størru feløgunum í Føroyum.
 
Ætlanin við greiningini er, at lýsa gongdina hjá føroysku feløgunum, fyri tey seinastu 5 árini, og harvið geva eitt innlit í gongdina hjá vinnulívinum.

 

Heinta skjal her

Greining av 20 teimum størstu fyritøkunum fyri 2018

Januar hevur aftur í ár gjørt eina greining av roknskapunum hjá 20 teimum størstu føroysku fyritøkunum. Greiningin byggir á roknskapirnar fyri 2018.

Eftir fleiri ár við støðugum vøkstri, er vøksturin í nettosøluni steðgaður hjá teimum stóru føroysku fyritøkunum. Nettosølan lækkaði 2,7% í 2018. Hóast
hetta, so megna fyritøkurnar at økja um rakstraravkastið, og øktist samlaða rakstraravakstið við 2,2% í 2018.

Av greiningini hjá P/F Januar framgongur, at økingin í nettosøluni hesi seinni árini er steðgaður. Tann samlaða nettosølan hjá teimum stóru feløgunum minkaði úr 13,4 mia.kr. til 13,0 mia.kr., og hetta er ein lækking uppá 2,7%.

Hóast hetta, so høvdu 12 av teimum 20 feløgunum eina øking í nettosøluni, herav 3 feløg, ið høvdu eina øking í nettosøluni uppá meira enn 20%. Rakstraravkastið hevur í miðal verður lækkandi hesi seinastu 5 árini, eisini hóast tað samlað varð ein betring í EBIT – heili 14 feløg høvdu eina lækking í EBIT-marguni, herav 7 høvdu eina øking í nettosølu, men eina lækking í EBIT-marginuni.

Tey 20 stóru feløgini gjørdu íløgur fyri tils. 1,8 mia.kr. í 2018, og er tað ein øking uppá 5,7% í mun til 2017.

Samstundis er samlaða nettoskuldin hjá feløgunum økt við 6,6%, ella 308 mió.kr.

greining

 

Heinta skjal her

Greining av 20 teimum størstu fyritøkunum fyri 2019

Nýggja greiningin hjá P/F Januar fyri 20 av teimum størru feløgunum í Føroyum vísir, at 2019 hilnaðist væl í mun til undanfarin ár. Samlaða nettosølan er økt við 0,7 mia.kr. til 10,7 mia.kr. í 2019. Hetta svarar til ein vøkstur upp á 7,5%. Heili 15 av teimum 20 feløgunum hava ein hægri umsetning í 2019 samanborið við 2018.

Rakstraravkastið

Sum ein positiv avleiðing av økta umsetninginum, og at feløgini megna at halda EBIT-marginuna á sama støði sum undanfarna ár, er rakstraravkastið hjá feløgunum økt.

Samlaði vøksturin í rakstraravkasti er øktur við 116 mió.kr. til 1,1 mia.kr. Hetta svarar til eina øking uppá 11,8% samanborið við 2018.

Íløgur og nettoskuld

Íløgurnar standa mest sum í stað við 1,3 mia.kr. Hinvegin hava feløgini økt um nettoskuldina við 2,8% hetta seinasta árið.

Við undantaki av 2016, hevur nettoskuldin hjá feløgnum verið í støðugum vøkstri hesi seinastu árini.

Framtíðarútlit

Flestu fyritøkurnar nevna í leiðslufrágreiðingini, at óvissur eru viðvíkjandi 2020 grundað á møguliga ávirkan av Covid-19.

Hóast endaligu avleiðingarnar enn eru ógreiðar, so verður mett, at flutningsfeløgini Smyril Line og Atlantic Airways koma at hava væl minni umsetning enn undanfarna ár. Harumframt verður mett, at útflutningsfyritøkurnar koma at hava minni umsetning grundað á truplari atgongd til útlendskar marknaðir.

Broytingar í mun til undanfarin ár

Verður samanhildið við greiningarnar undanfarnu árini, so er Bakkafrost tikið úr greiningini, og er hetta grundað á, at samtakið hevur keypt skotska alifelagið Scottish Salmon Company (SSC), sum aftur viðførir, at lyklatølini broytast heilt nógv. Bakkfrost-samtakið hevði skeiklað tølini í greiningini somikið nógv, at greiningin eftirfylgjandi nærum einsamalt hevði verið av Bakkafrosti.

 

 

Heinta skjal her